Thirrjes ndaj kompanisë Apple për të përfshirë Kosovën në hartë i është bashkuar edhe Rita Ora. Përmes një postimi në Instagram, këngëtarja me famë botërore shprehet se ka plot talente shqiptare që përpaqësojnë trashëgiminë e vendit, ndërsa bën thirrje që Kosova të përfshihet në hartë sa më parë.
“Do të doja shumë që Apple të ndërgjegjësohej duke vendosur Kosovën në hartë! Shqipëria dhe Kosova kanë kaq shumë talente dhe unë jam shumë krenare për të gjitha vajzat e mahnitshme, të forta dhe të talentuara që përfaqësojnë trashëgiminë tonë. Duke shpërndarë dashuri, paqe dhe bashkim me @beberexha, @dualipa, @eraistrefi, @dafina.zeqiri, @avamax dhe shumë të tjerë”, ka shkruar këngëtarja krahas postimit.
LEXO EDHE: Dua Lipa i përgjigjet këngëtares serbe me flamurin e Shqipërisë etnike
Kujtojmë që ishte Dua Lipa e para e cila bëri thirrje ndaj Apple, ndaj së cilës pati një sërë reagimesh nga shtetas serbë por edhe këngëtarja Jelena Karleusa e cila e akuzoi se po shpërndante urrejtjeje. Si një kundërpërgjigje ndaj atyre që komentuan se Kosova është pjesë e Serbisë, Dua iu përgjigj me një foto të Shqipësisë etnike dhe një shpjegim të fjalës autokton. /abcnews.al/
