Flamurtari u mund nga Bylisi me rezultatin 2-3, ndërkohë që goli i fitores për miqtë u shënua pas shtatë minutash shtesë. Ishin akorduar vetëm pesë, por tensioni në fushë solli vonesa dhe arbitri Blerim Ziri mendoi që loja të luhej mbi shtesën.
Në Vlorë kanë pretendime edhe për penalltinë e dhënë për Bylisin, që u kthye në gol nga portieri Isli Hidi. Ziri mendoi që ndërhyrja e Qarrit ndaj Peçit ishte e gabuar. Mbrojtësi fillimisht devijoi topin dhe më pas nuk mungoi kontakti.
https://streamable.com/68nnwg
Arbitri nga Fushë-Kruja e mendoi të gabuar dhe e dha penallti, ndërkohë që në Vlorë e kanë ngacmuar në rrjetet sociale. Ata e cilësojnë Zirin si “Krenarinë e Qytetit të Ballshi”, sigurisht me ironi. /abcnews.al
