Loading ...
Ish-deputetja e Partisë Demokratike Albana Vokshi , këtë të premte ka denoncuar faktin se njësia vendore e Kujdesit Shëndetësor në Berat është kthyer në vatër e COVID19.
Vokshi përmes një postimi në rrjetin social Facebook, shkruan se drejtori i këtij institucioni refuzon që ta mbyllë.
Ndër të tjera ish deputetja bën thirrje për mbylljen e këtij institucioni dhe kërkon dënimin e papërgjeshmerisë së drejtorit.
Postim i plotë:
Sipas informacionit zyrtar nga Ministria e Shëndetësisë, në Njësinë Vendore tê kujdesit Shëndetësot në Berat janë identifikuar 4 raste pozitiv me Covid19.
Urdhëri për mbylljen e kësaj njësie nga Inspektoriati Sanitar është dhënë që ditën e hënë. Por Drejtori Artur Bani, anëtar i Kryesisë së Partisë Socialiste, refuzon ta mbyllë sepse ka frikë se evidentohet dështimi në marrjen e masave parandaluese nga ana e tij dhe e qeverisë. Për Drejtorin rilindas të Edi Ramës, jetët 73 personave staf i Njësisë nuk kanë asnjë rëndesi.
Njësia tashmë është shndërruar në vatër e rrezikshme aktive infeksioni. Ministria e Shëndetësisë, Institucionet përkatëse të marrin masa për mbylljen e saj për aq kohë sa është e nevojshme.
Papërgjegjshmëria e Drejtorit është e dënueshme. Cdokush që rrezikon jetën dhe shëndetin e qytetarëve duhet të shkojë në burg. Përhapja e sëmundjeve infektive me paramendim apo jo, dënohet me burg sipas ndryshimeve të fundit të Kodit Penal.
Organi i akuzës të veprojë!!/abcnews.al
