Kina ka nisur një fushatë kombëtare në shkallë të gjerë për të luftuar zakonet e këqija të qytetarëve të saj: të pështysh në trotuar, ngritja e bluzës dhe nxjerrja e kërthizës nga ana e burrave, hedhja e mbeturinave nga dritarja dhe thashethemet në rrjetet sociale.
Gjithashtu do të jetë e ndaluar që të vraposh për të zënë një vend në autobus, një sipërmarrje e vështirë kjo në një vend me rreth 1.5 miliard banorë një pjesë e të cilëve përdorin transportin publik për të lëvizur. Tashmë të gjitha këto shkelje do të dënohen me gjoba shumë të kripura.
Për hedhjen e mbeturinave nga dritarja, nëse nuk gjendet autori i gjestit do të dënohet i gjithë pallati. Rasti më i fundit tregon se kur një vajzë e vogël u godit me një shishe të hedhur nga dritarja, u gjobitën të 448 banorët e pallatit. Disa nga rregullat e edukimit janë kodifikuar në paragrafin e parë legjislativ për sjellje të mirë dhe të sjelljes civile, që është miratuar së fundmi. Televizioni kinez ka publikuar dhe spotin përkatës: një vajzë prezanton të fejuarin e saj për të marrë leje për martesë nga babai, por babai prezantohet me kërthizë përjashtë. Dhëndri tmerrohet, largohet me vrap. Martesa nuk bëhet më dhe nusja shpërthen në lot./abcnews.al
