Loading ...
Presidenti Ilir Meta ka reaguar pas fitotes së mandatit të tretë të deputetes shqiptare nga Prizreni në Kroaci.
Meta, i cili teksa shpreh gëzimin për fitoren e Ermina Lekaj-Përlaskajt, ku ndër të tjera thekson se është tepër e rëndësishme që komuniteti shqiptar të ketë zërin dhe përfaqësimin dinjitoz në Parlamentin kroat.
LEXO EDHE:Shqiptarja fiton për herë të tretë mandatin e deputetes në Kroaci
Më tej Kreu i shtetit thekson se thellimi i bashkëpunimit ndërmjet dy vendeve do t’i japë një impuls të ri forcimit të tyre, si dhe procesit të integrimit europian të Shqipërisë.
Reagimi i plotë:
Shumë i gëzuar nga lajmi për fitoren e mandatit të deputetes në Parlamentin e Kroacisë, për herë të tretë, të znj.Ermina Lekaj-Përlaskaj.
Është tepër e rëndësishme që komuniteti shqiptar të ketë zërin dhe përfaqësimin dinjitoz në Parlamentin kroat me një deputete të nderuar, një tregues i lidhjeve të forta tradicionale shqiptaro-kroate.
Përvoja e saj është garanci edhe për të ardhmen e shkëlqyer të këtyre marrëdhënieve.
Thellimi i bashkëpunimit ndërmjet dy parlamenteve do t’i japë një impuls të ri forcimit të tyre, si dhe procesit të integrimit europian të Shqipërisë./abcnews.al
