Janë zhvilluar sot ndeshjet e radhës në Kategorinë e Parë. Besëlidhja dhe Korabi vijojnë luftën për të zënë vendin e dytë në grupi A. Kastrioti është rikthyer në Superiore dhe ka mbetur për t’u përcaktuar ekipi që do të përballet me vendin e dytë të grupit B, me fituesin që do të ndeshjet pastaj me vendin e tetë në Superiore në finalen e madhe.
Besëlidhja e Plorit iu fal golave të Kolecit dhe Hoxhës për të marrë tre pikë në Shijak përballë Erzenit, të cilit nuk i mjaftoi goli i afrikanit Djidjiwa. Takimi u mbyll 1-2 për miqtë nga Lezha, që renditen në dytët me 35 pikë, tre më shumë se Korabi.
Ekipi dibran përfitoi nga rikthimi i Kastriotit në elitë dhe fitoi 2-3 në Krujë përballë ekipit të Ndreut. Prendi shënoi dy gola, teksa gjeti rrjetën edhe Mziu për ekipin udhëtues, që vazhdon ndjekjen e Besëlidhjes.
Në këtë grup u luajtën edhe duelet “play-out”. Një gol i Recit në pjesën e dytë, i dhuroi tre pikë jetike Dinamos përballë Egnatias. Ky sukses i ngjit blutë në vend të parafundit, duke parakaluar Veleçikun.
Skuadra nga Malësia e Madhe dështoi në shtëpi kundër Tërbunit, që fitoi 2-3 dhe u kthye me tre pikë të arta në Pukë. Gara për të mos u rrëzuar në të Dytën, është shumë e fortë në këtë grup me tre ekipet e fundit që kanë vetëm dy pikë diferencë.
Në grupin B u zhvilluan tre ndeshje “play-out”. Turbinës i mjaftoi një gol për të fituar në Cërrik përballë Devollit. Me të njëjtin rezultat fitoi edhe Elbasani kundër Orikut. Duka realizoi golin e fitores në mes të pjesës së dytë dhe verdheblutë arritën fitoren e tretë radhazi.
Pesë gola u shënuan në duelin Shënkolli-Iliria. Miqtë nga Fushë Kruja triumfuan 2-3, teksa skuadra lezhjan renditet në vend të fundit dhe nuk ka asnjë shpresë për të shpëtuar. /abcnews.al
