Loading ...
Është një ndër modelet më të suksesshme shqiptare. Bukuroshja nga Shkodra, Angela Martini është komentuar shpesh jo vetëm për punën që bën, por gjithashtu edhe për jetën private. E martuar prej kohësh, Angela është përfolur për marrëdhënien me partnerin e saj, biznesmenin rumun Dragos Savulescu.
Në media u raportua se dyshja ishte ndarë, për shkak të problemeve që ky i fundit kishte me drejtësinë. Por, gjithçka mbeti në kuadrin e thashethemeve, pasi ishte vetë Angela e cila vendosi të flasë dhe të hedhë poshtë këto lajme, duke thënë se ata janë më të dashuruar se kurrë më parë.
Së fundmi, bukuroshja pozoi për revistën e njohur italiane “Cleon”, ku shfaqej e kuruar deri në detaj. Ditën e sotme, ajo ka publikuar disa imazhe të tjera në Instagram, e veshur me një fustan të zi, dhe ku shfaqet si gjithmonë shumë tërheqëse. Me një pamje nga deti, dhe e ulur në një karrike, Angela ka ditur edhe njëherë të kthejë vëmendjen nga vetja. /abcnews.al
