Një atentat me armë zjarri është bërë rreth orës 00:30 pas mesnatës së djeshme në qyetin e Elbasanit. Mësohet se shënjestra ka qenë Petrit Çarçiu i cili po udhëtonte në një makinë bashkë me djalin e tij.
Në drejtim të automjetit të tyre është qëlluar me breshëri plumbash, të cilët fatmirësisht nuk kanë prekur asnjërin prej tyre, duke shkaktuar vetëm dëme materiale.
Gazetari Aldo Kozarja raporton se dyshimet e para janë se ngjarja mund të ketë ndodhur për shkaqe pronësie. Më herët atij i kishin djegur edhe lokalin në pikën turistike të fshatit Byshek.
Policia njofton se po vijojnë kërkimet për kapjen e autorëve.
“Rreth orës 00:30, në fshatin Byshek, Elbasan, shtetasi P.Ç, banues në fshatin Shushicë, Elbasan ka njoftuar Sallën Operative të DVP Elabasan se në rrethana ende të paqarta është qëlluar me armë zjarri në drejtim të mjetit të tij i cili udhëtonte sëbashku me djalin
Nga të shtënat nuk ka asnjë të plagosur por vetëm dëme materiale të mjetit me të cilët udhëtonin shtetasit e lartëpërmendur.
Shërbimet e Policisë vijojnë punën për sqarimin dhe zbardhjen e rrethanave të ngjarjes, me qëllim identifikimin dhe kapjen e autorit”, njofton policia./abcnews.al
