Kampionatet kryesore në Europë kanë rifilluar, por jo gjithçka është si më parë. Ajo çka bie në sy menjëherë janë shkallët e stadiumeve, të cilat ende janë të mbyllura. Pikërisht për këtë temë ka folur dhe zëvëndës-presidenti i UEFA-s, Michele Uva.
“Po e monitorojmë se si po shkon situata në Europë. Nuk është gjithmonë në dorën tonë për sa i përket masave, pasi janë qeveritë lokale ato që vendosin. Deri më tani çdo gjë po shkon OK dhe shpresojmë që ky sezon të mbyllet me sukses”, deklaroi Uva për “Radio 24”.
”E shtymë Euro 2020 për vitin tjetër në mënyrë që t’i japim kohë kampionateve për të përfunduar sezonet. E dimë që pjesë më e vështirë është që po luhet pa tifozë, por duhet të vazhdojmë kështu. Të paktën deri në gusht është e sigurt që stadiumet do të jenë ende të mbyllura”, mbylli numri dy i UEFA-s. /abcnews.al
