Loading ...
Deri në javën e kaluar, Pekini dukej sikur kishte shpëtuar nga pandemia e koronavirusit, shkruan CNN.
Për 55 ditë, kryeqyteti kinez nuk kishte raportuar ndonjë rast të infektuar dhe jeta ishte kthyer në normalitet. Bizneset dhe shkollat u rihapën, njerëzit u rikthyen në punë dhe transportet publike të qytetit dhe parqet u mbushën edhe një herë me turma.
Por ajo fasadë e normalitetit u zhduk javën e kaluar, kur një grup me rasteve të koronavirusit u shfaq nga një treg ushqimor me shumicë në qytet, duke infektuar më shumë se 180 njerëz, raporton abcnews.al
Brenda disa ditësh, metropoli i më shumë se 20 milion njerëzve u vendos nën një izolim të pjesshëm. Autoritetet rindërtuan masa kufizuese të përdorura më parë për të luftuar valën fillestare të infeksioneve, mbylljen e lagjeve të banimit, mbylljen e shkollave dhe ndalimin e largimit nga qyteti për qindra mijëra njerëz që konsiderohen të rrezikuar nga kontraktimi i virusit. Rreth 356,000 njerëz janë testuar në vetëm pesë ditë.
Nisur nga numri i lartë i infeksioneve në Pekin, selia e pushtetit të Partisë Komuniste e cila është konsideruar midis qyteteve më të sigurta të vendit, ka rikujtuar se sa lehtë virusi mund të rikthehet në vendet ku mendohet se ishte zhdukur.
Pesë ditë para fillimit të shpërthimit të tanishëm, autoritetet e Pekinit sapo kishin ulur nivelin e alarmit për reagimin e shëndetit publik të katër niveleve të qytetit nga Niveli 2 në Nivelin 3. Ai u ngrit përsëri në nivelin 2 të martën në mbrëmje, raporton abcnews.al
Rritje të ngjashme të infeksioneve kanë ndodhur në mënyrë të vazhdueshme muajt e fundit, me qeveritë që nxitojnë të mbajnë nën kontroll shpërthimet e reja.
Koreja e Jugut, e vlerësuar për suksesin për mbajtjen nën kontroll të virusit, ka luftuar infeksionet e reja që nga fundi i majit pas lehtësimit të masave të distancimit shoqëror dhe rihapjes së shkollave. Singapori ishte konsideruar si një histori suksesi derisa një valë infeksionesh shpërtheu në prill midis punëtorëve migrantë që jetonin në konvikte të tejmbushura.
Vala e dytë e infeksioneve
Në Kinë, vala fillestare e infeksioneve ishte nën kontroll deri në fund të marsit, kryesisht falë masave gjithëpërfshirëse të bllokimit në të gjithë vendin. Ndërsa shpërthimi po përkeqësohej në vendet e tjera, Kina mbylli kufijtë e saj për shumicën e të huajve, vendosi ekzaminim të rreptë në aeroportet dhe i vendosi në karantinë të gjithë qytetarët kinezë të ardhur nga jashtë.
Pavarësisht masave parandaluese, grupe të reja infeksionesh u zbuluan në verilindje të vendit në prill dhe maj, të gjitha të lidhura me raste të importuara, raporton abcnews.al
Por shpërthimi i tanishëm në Pekin është rikthimi më i keq i koronavirusit dhe autoritetet ende po përpiqen të gjejnë burimin e saj.
Raportet e mëparshme e lidhën shpërthimin me ushqime të detit ose mishit, pasi gjurmët e virusit u zbuluan nga një shitës i salmonit në treg. Sidoqoftë, tani ekzistojnë shqetësime se virusi ishte përhapur për javë të tëra para se të zbulohej për herë të parë.
“Ky shpërthim në Pekin me siguri nuk filloi në fund të majit ose në fillim të qershorit, por ndoshta një muaj më parë,” tha Gao Fu, drejtori i Qendrës për Kontroll dhe Parandalim të Sëmundjeve (CDC), në një takim në Shanghai të martën.
“Duhet të ketë pasur shumë raste asimptomatike ose me simptoma të lehta në , kjo është arsyeja pse virusi është përhapur kaq shumë, tha ai.
Prova nga Shtetet e Bashkuara sugjerojnë se 25% deri 45% e personave të infektuar me gjasë nuk kanë simptoma, me studime epidemiologjike që tregojnë se ata individë mund ta transmetojnë virusin tek dikush që është i pa infektuar, raporton abcnews.al
Zhang Yong, një tjetër zyrtar kinez i CDC, ra dakort me vlerësimin e Gao. Ai tha në një artikull të botuar nga qeveria të premten se një sasi e madhe e mostrave të mbledhura nga tregu Xinfadi kishin rezultuar pozitivë për koronavirusin.
“Sipas rezultateve të studimit paraprak gjenomik dhe epidemiologjik, virusi u importua nga Europa, por është i ndryshëm nga virusi që përhapet aktualisht në Europë.
Zhang tha që virusi mund të ishte fshehur në produktet ushqimore të ngrira të importuara, ose ka qëndruar në ndonjë mjedis të errët dhe të lagësht siç është tregu Xinfadi, përpara se të ekspozohej te njerëzit dhe të shkaktonte infeksion, raporton abcnews.al
Gjatë muajve të fundit, disa ekspertë kinezë të shëndetit kishin paralajmëruar për një vale të dytë të mundshme madje ndërsa media shtetërore kineze përsëriti vazhdimisht suksesin e qeverisë në kontrollin e shpërthimit duke i vënë gishtin dështimeve të qeverive perëndimore.
Në një intervistë ekskluzive me CNN në maj, eksperti i lartë i frymëmarrjes në Kinë, Dr Zhong Nanshan paralajmëroi se Kina po përballet përsëri me “sfidën e madhe” të një rikthimi të mundshëm të virusit, raporton abcnews.al
“Shumica e kinezëve për momentin janë akoma të prekshëm ndaj infeksionit Covid-19 për shkak të mungesës së imunitetit,” tha Zhong. “Ne po përballemi me një sfidë të madhe, dhe nuk mendoj se vendet e tjera kanë bërë më shumë se ne.
Shpërthimi është “nën kontroll”
Shpërthimi në Pekin do të jetë testi i fundit i strategjisë së mbajtjes në kontroll të koronavirusit në Kinë.
Të enjten, Wu Zunyou, shefi epidemiolog i Kinës, foli me një ton fitimtar, duke deklaruar se shpërthimi në Pekin është tashmë “nën kontroll”.
Wu tha se ka ende të ngjarë të ketë raste të reja të lidhura me tregun që pritet të dalin në ditët e ardhshme.
“Do të ketë raste të raportuara nesër dhe të nesërmen. Këto raste të raportuara janë procesi i zbulimit të infeksioneve të mëparshme. Jo infeksione të reja. Infeksionet e reja janë vetëm sporadike”, tha Wu.
Shefi i epidemiologut tha që mund të ndodhi një shpërthim i ri në Pekin, duke pasur parasysh numrin e madh të rasteve të reja globale.
“Për sa kohë që ekzistojnë rreziqe nga raste të importuara dhe grupime në shkallë të vogël, raste të reja të infektuarish mund të ketë kudo në Kinë. Nga kjo pikëpamje, shpërthimi i Pekinit është mëse normal,” tha ai./Përktheu Sonila Backa – abcnews.al
