Thiago Silva nuk ka vendosur akoma për të ardhmen. Braziliani ndihet mirë te PSG dhe nuk do e refuzonte rinovimin, por kampionët e Francës kanë plane të tjera dhe palër pritet të ndahen pas tetë viteve së bashku. Interesimi nga Serie A nuk mungon, me Milanin që do e mirëpriste rikthimin e qendërmbrojtësit.
Kuqezinjtë kanë nevojë për eksperiencë dhe Thiago Silva ka me bollëk. Megjithatë, mes klubit italian dhe lojtarit është futur Carlo Ancelotti. Footmercato raporton se trajneri italian po tenton ta transferojë tek Everton.
Ancelotti ka biseduar me Thiago Silvën dhe i ka shprehur dëshirën për të punuar sërish me të. Milanin e ka në zemër dhe gjithmonë e ka shprehur dëshirën për t’u rikthyer një ditë në Milanello, por edhe kalimi në Premier League dhe bashkimi me një trajner që e vlerëson shumë, e tundon lojtarin e njohur. /abcnews.al
