Përdhunimi i adoleshentes 15-vjeçare nga një 65-vjeçar, ka shkaktuar zemërim të madh në Shqipëri. Ditën e djeshme u mbajt një protestë në formë marshimi, që nisi në sheshin “Nënë Tereza”.
Shumë persona u mblodhën dhe nuk munguan pankartat e ndryshme. Një prej shumë fotove që qarkulluan në rrjetet sociale, mori edhe vëmendjen e Mario Balotellit.
Sulmuesi italian nuk është menduar dy herë dhe e ka postuar në faqen e tij zyrtare, duke u solidarizuar me protestën në Tiranë. “Ndal çdo lloj forme dhune“, shkruan Balotelli, i cili është shok skuadre me Emanuele Ndojn te Brescia. /abcnews.al
