Benfica nuk ia doli të fitonte në takimin e djeshëm kundër Tondela. Sfida u mbyll në barazim pa gola dhe tifozët e klubit portugez nuk e kanë pritur mirë diçka të tillë, pasi janë kryesuesit dhe tashmë janë të parët vetëm falë golaverazhit më të mirë se Porto.
Këta të fundit u mundën dy ditë më parë dhe Benfica kishte mundësinë të ishte e vetme në krye. Tifozët kanë qenë të ashpër pas ndeshjes dhe kanë sulmuar autobusin me të cilin udhëtonin futbollistët.
Ata kanë gjuajtur me gurë në drejtim të mjetit lëvizës dhe kjo ka pasur pasoja, pasi Andrija Zivkovic dhe Julian Weigl janë lënduar. Që të dy këta lojtarë janë dërguar në spital, ndërkohë që kjo ngjarje është bërë e madhe në mediat portugeze, që e kanë raportuar me tituj bombastikë. /abcnews.al
