Michael Robinson, ish-sulmuesi i Liverpool, Manchester City, Brighton dhe Osasuna është ndarë nga jeta në moshën 61-vjeçare. Prej dhjetorit të vitit 2018 ai ishte i sëmurë me kancer, sëmundje që e ka barë atë të dorëzohet. Familja e tij ka përdorur llogarinë në “Facebook” që Robinson kishte, për të njoftuar mbi vdekjen e parakohshme të tij.
“Me trishtim të thellë ju informojmë për vdekjen e Michael. Ai na lë ne një zbrazëti të madhe, por edhe kujtime të panumërta, me të njëjtën dashuri që ju ia keni treguar atij. Do jemi përjetësisht mirënjohës, që ju e bëtë këtë njeri shumë të lumtur. Ai kurrë nuk ka ecur vetëm. Faleminderit”.
Con tremenda tristeza os comunicamos el fallecimiento de Michael. Nos deja un gran vacío, pero también innumerables recuerdos, llenos del mismo amor que le habéis demostrado. Os estaremos eternamente agradecidos por haber hecho a este hombre TAN FELIZ, nunca caminó solo. Gracias
— Michael Robinson (@michaelrobinson) April 28, 2020
Robinson ka fituar titullin kampion, kupën dhe Champions League në vitin 1984 me fanellën e Liverpool. Sulmuesi ishte pjesë e kombëtares së Irlandës. Pasi e la futbollin, ish-sulmuesi mbeti në botën e sportit, këtë herë si gazetar.
Graeme Souness, shok skuadre me Robinson te Liverpool, për Sky Sports ka thënë: “Ai ishte një mik i afërt i mi dhe ndihem shumë keq për familjen e tij. Është një ditë e trishtueshme edhe për mua. E kam telefonuar dy herë javët e fundit dhe ai ishte një njeri shumë emocional dhe nuk e ngrinte. Mbrëmë po mendoja që ta merrja sërish. Ishte vonë dhe mendova se kishte rënë të flinte gjumë herët dhe do e telefonoja sot. Tani nuk kam më asnjë shans të flas me të”. /abcnews.al
