Zinedine Zidane është një emër që ngjall kujtime të bukura për Juventusin dhe shumë tifozë të bardhezinjve shpresojnë ta shohin një ditë në pankinën e skuadrës së tyre të zemrës. Francezi ka arritur suksese të mëdha me Real Madrid dhe një ditë mund të vendosë të rikthehet në Serie A, aty ku kaloi 5 vite fantastike si futbollist.
Opsion që nuk i pëlqen të gjithëve dhe Antonio Cassano është një prej tyre. Barezi i famshëm, i njohur për deklaratat e tij të drejtpërdrejta dhe batutat e shumta, analizon në një bisedë me Christian Vierin në rrjetet sociale se pse është kundër “martesës” Juventus-Zidane.
“Zidane është madhështor, por është një kopje e Max Allegrit. Te Juventusi duan një trajner që luan futboll. Nuk e di nëse Zizou dëshiron të largohet nga Reali për të ardhur te Juventusi, unë mendoj se do të marrë drejtimin e PSG-së. Do të jetë një sfidë e madhe nëse shkon në Francë, sepse klubi nuk e ka fituar kurrë Champions League”, deklaron Cassano. /abcnews.al
