Neymar ka mall për futbollin. Ylli i PSG-së po i kalon në Brazil këto ditë të vështira, por nuk po e shtyn dot pa ndeshje. Sulmuesi ka dhënë një prononcim të sinqertë nëpërmjet zyrës së tij të shtypit.
“Më transmeton ankth fakti që nuk e dimë se kur do të rikthehemi në fushë. Dua të luaj, të garoj dhe të luftoj. Më mungon ambienti i klubit dhe shokët e skuadrës te PSG. Më mungon shumë futbolli.
Jam i sigurt që edhe tifozët shpresojnë që të rikthehet sa më shpejt futbolli. Uroj që të marrin një vendim përfundimtar sa më shpejt të jetë e mundur”, deklaron Neymar. /abcnews.al
