LDK propozon Avdullah Hotin, Kurti : Unë jam kryeministër, nuk komentoj zhvillimet e një partie

Kryeministri në detyrë, Albin Kurti gjatë një konference për mediat është shprehur se nuk dëshiron që të komentojë lidhur me mandatimin e Avdullah Hotit për kryeministër të Kosovës nga ana e LDK.

Kurti tha: “Si kryeministër në detyrë nuk dëshiroj t’i komentoj zhvillimet në një partie politike.”

Albin Kurti shtoi gjithashtu se kjo ishte qeveria e vetme nga paslufta, që nuk kishte varësi nga Lista Serbe dhe nga PAN-i.

“Tani, kemi varësi të dyfishtë, edhe nga Lista Serbe edhe nga PAN-i”, shtoi kryeministri në detyrë i Kosovës.

Gjatë konferencës, kryeministri në detyrë njoftoi gjithashtu se sot ka pranuar dorëheqjen e Nenad Rashiq, nga pozita e këshilltarit politik dhe drejtori të Zyrës për Komunitete. Dorëheqja e Rashiq ka ardhur pas ngritjes së aktakuzës nga ana e Prokurorisë.

Rashiq ishte emëruar në pozitën e këshilltarit politik të kryeministrit dhe drejtorit të Zyrës për Komunitete më 2 prill 2020.