Liderët e Ballkanit takohen në Sofje/Të pranishëm Mogherini, Hahn e Juncker

Në kryeqytetin e Bullgarisë në Sofje mbahet takimi i liderëve të Ballkanit Perëndimor. Në këtë takim do të marrin pjesë edhe kryetari i Komisionit Europian, Jean-Claude Juncker, shefja e Politikës së Jashtme të BE-së, Federica Mogherini dhe komisioneri evropian për politikën e fqinjësisë së mirë dhe negociimit, Johannes Hahn. Presidenti i Kosovës Hashim Thaçi udhëtoi të mërkurën për në Sofje me ftesë të kryeministrit bullgar Boyko Borisov. Ai do të zhvillojë takime dypalëshe me kryetarë shteti të Ballkanit Perëndimor dhe përfaqësues të lartë të BE-së. Në këto takime do të diskutohet lidhur me perspektivën evropiane të Ballkanit Perëndimor, pas publikimit të Strategjisë së BE-së. /abcnews.al