Mbrojtësi i Milanit, Theo Hernandez, po kalon sezonin e tij më të mirë të karierrës. Që nga ardhja e tij tek kuqezinjtë, francezi duket sikur ka rilindur sërish pas disa sezonesh të vështira te Real Madrid. Paraqitjet e tij të mira i kanë vënë rë dhe disa klube si Juventusi dhe ekipet angleze, të cilat priten të bëjnë një ofertë zyrtare për të.
Janë disa klube nga Premier League të cilët interesohen për shërbimet e mbrojtësit, por klubi që ka shfaqur më shumë interes është Juventusi. Milan nuk e lëshon Theon për më pak se 50 milionë euro, kujtojmë këtu që e bleu për vetëm 20 milionë euro nga madrilenët. 22-vjeçarit i mbaron kontrata me kuqezinjë në qershorin e vitit 2024.
Vetë lojtari e ka thënë disa herë gjatë sezonit se dëshiron të qëndrojë për një kohë të gjatë në Milano dhe se ndjehet i lumtur me “Djallin”. Madje ai është dhe golashënuesi i tyre i dytë në listë, me gjashtë gola dhe dy asiste në 25 ndeshje të zhvilluara në të gjitha kompeticionet. /abcnews.al
