Mjekët, infermierët sidomos, që janë në vijë të parë përballë koronavirusit, janë heronj, meritojnë një respekt të madh në këto kohë të vështira.
Ata rrezikojnë jetën e tyre për të qenë në krye të kësaj detyre, e cila është më humania që mund të ekzistojë, në shërbim të personave që kanë nevojë për ndihmë.
Kemi parë këto ditë të vështira shumë mesazhe, nga familjarë të ndryshëm, personazhe publike, mesazhe sensibilizuese, kurajuese të këtij momenti të vështirë, njëkohësisht edhe të dhimbshëm për shumë nga ne.
Pjesa më e madhe e shqiptarëve janë ndërgjegjësuar që rregullat, dhe masat drastike, duhen zbatuar pa asnjë diskutim.
ABC News ka ndjekur me herët por do të ndjekë edhe në vazhdim, gjithçka që ndodh në jetën e shqiptarëve si pasojë e CoVid-19 por jo vetëm.
Stafi ynë është i përkushtuar, pa dyshim në vështirësi e frikë për veten, të zbatojë duke ndjekur çdo këshillë, çdo hap që është marrë nga qeveria, për parandalimin e përhapjes së virusit.
Stafi i ABC News ju informon për gjithçka, dhe ashtu si shumë të tjerë, dëshiron ti përcjellë publikut mesazhin se qytetarët duhet të kufizojnë lëvizjen, të qëndrojnë në vetëizolim, të zbatojnë çdo këshillë për kujdesin higjeno-sanitar.
Stafi i ABC News punon për t’ju informuar, ju na ndiqni nga shtëpia!/abcnews.al
