Euro 2020 është shumë afër, por kompeticioni që është programuar të nisë me 12 qershor pritet të shtyhet. UEFA do të marrë një vendim përfundimtar të martën e ardhshme, teksa kanë dalë në skenë hipoteza të ndryshme.
Në fillim u përfol për mundësinë e zhvillimit të Europianit verën e vitit 2021. Në Angli zbulojnë një tjetër opsion. Telegraph raporton se Europiani mund të zhvillohet gjatë muajit nëntor të këtij viti.
Të gjithë kampionatet e këtij sezoni do të përfundonin brenda 30 qershorit dhe Europiani do të luhej mes muajve nëntor-dhjetor. Gjithsesi, duhet të presim ditën e martë për të mësuar vendimin final. /abcnews.al
