Tjetër rast me koronavirus në Serie A. Fiorentina është klubi i radhës që është prekur nga COVID-19. Sulmuesi serb, Dusan Vlaovic ka dalë pozitiv, duke u bërë futbollisti i tetë në Itali që infektohet nga virusi i frikshëm.
Lajmi është konfirmuar nga një komunikatë e klubit nga Firence. “Fiorentina informon se Dusan Vlaovic ka dalë pozitiv në testin e koronavirusit. Lojtari nuk ka simptoma për momentin dhe ndodhet në shtëpinë e tij”.
20-vjeçari është një ndër zbulimet e bukura të Fiorentinës në këtë sezon. Klubi po ndërmerr të gjitha procedurat e izolimit të kërkuara me ligj, duke filluar me regjistrimin e të gjithë personave që kanë pasur kontakte me lojtarin e prekur. /abcnews.al
ACF Fiorentina can confirm that Dusan Vlahovic has tested positive for COVID-19. He is at home and currently does not have any symptoms.
➡️ https://t.co/EESWBwVUls pic.twitter.com/KgEOX9FWic
— ACF Fiorentina English ? (@ACFFiorentinaEN) March 13, 2020
