Të shtëna armësh zjarri janë dëgjuar në një shkollë të mesme në Parklend të Floridës në Shtetet e Bashkuara. Lajmi është konfirmuar nga autoritetet lokale, të cilat flasin për viktima dhe të plagosur.
Në vendin e ngjarjes kanë mbërritur forca të shumta policie, speciale dhe agjentë të FBI-së, që po kryejnë kërkime për autorin dhe po evakuojnë nxënësit. Mediat amerikane bëjnë të ditur se të plagosurit janë rreth 20 persona dhe shtojnë se prindër të shumtë janë mbledhur përreth perimetrit të sigurisë të ngritur nga policia.
Ndërkohë, ngjarja po ndiqet me vëmendje edhe nga Shtëpia e Bardhë. Zyra e shtypit pranë selisë presidenciale ka njoftuar se presidenti Trump është informuar për të./abcnews.al
