Steve McManaman, legjenda e Liverpoolit, ka folur sa i takon të ardhmes së Mohamed Salah, i cili është një ndër lojtarët më të mirë në botë. Sipas McManaman, Salah do të qëndrojë te Liverpool, si dhe ka shpjeguar logjikën e tij.
“Salah e shoh vetëm te Liverpooli. Para katër ose pesë vitesh, të gjithë lojtarët donin të shkonin te Real Madrid, pasi ata po fitonin gjithçka. Por tani, ekipet më të mira në botë, luajnë në Angli, prandaj nuk mendoj se Salah do të largohet”, përfundoi ish-mesfushori anglez.
Mohamed Salah pati një zënkë me partnerin e tij të sulmit, Sadio Mane në fillim të sezonit dhe që nga ajo periudhë, treshja Salah-Firmino-Mane nuk ka qenë e njëjta. Mediat menjëherë filluan të spekulonin për një largim të Salah, por deri më tani, nuk ka zëra konkretë./abcnews.al
