Ndodh gjithçka në 45 minutat e para të derbit të kryeqytetit. Në një stadium të mbushur plot e përplot, tifozët i janë gëzuar tre golave dhe Tirana është skuadra që kryeson me rezultatin 2-1 kundër Partizanit. Spektakël që në minutat e para në fakt.
Të kuqtë u hodhën në sulm që në fillim dhe patën pretendime për penallti fillimisht, ndërsa pas një goditje këndi arritën të befasojnë skuadrën e Tiranës. William Cordeiro me një goditje fluturimthi befasoi portierin Ilion Lika dhe stadiumi shpërtheu në festë.
Për t’i komplikuar gjëra menduan vetë te Partizani. Bitri dhe Belica nuk u morën vesh në një sulm të Tiranës dhe beratasi i “demave të kuq” gaboi, duke mbajtur argjentinasin Agustin Torassa. Sulmuesi i bardhebluve përfundoi i shtrirë dhe gjyqtari Juxhin Xhaja akordoi penallti.
Gjithahstu Bitri u ndëshkua me karton të kuq. Idriz Batha mori përsipër ekzekutimin e penalltisë dhe mposhti Alban Hoxhën. 1-1 dhe tifozët e Tiranës shpërthyen në festë. Mesfushori ndëshkoi sërish ish-skuadrën e tij.
Pak minuta më pas Cale fitoi një tjetër penallti për Tiranën dhe mesfushori Batha sërish u tregua sërish i saktë, duke përmbysur gjithçka. Një ndeshje e çmendur në “Air Albania Stadium”, me Partizanin që edhe me një lojtar më pak luajti mirë, por pa mundur të shënojë. /abcnews.al
KATEGORIA SUPERIORE – JAVA 24
E premte, më 28 shkurt, ora 19:00
“Air Albania Stadium”, Tiranë
Tirana-Partizani 2-1
Shënues: Batha 16′ (p.), 19′ (p.)/ Cordeiro 2′
Tirana: Lika, Doka, Muça, Vangjeli, Hoxhallari, Batha, Çelhaka, Cobbinah, Torassa, Cale, Ngoo. Trajner: Emanuel Egbo
Partizani: Hoxha, Idrizaj, Bitri, Belica, Hakaj, Telushi, Cordeiro, Broja, Çinari, Bardhi, Broën. Trajner: Adolfo Sormani.
Karton i verdhë: Cordeiro 12′
Karton i kuq: Bitri 14′
