Ish-deputeti Peza tek Krimet e Rënda, akuza për fshehje të pasurisë

Gjykata për Krimet e Rënda ka regjistruar dosjen penale në ngarkim të ish-deputetit Alfred Peza. Ish-anëtari i kuvendit do të përballet tek Krimet e Rënda me akuzat e “fshehjes së të ardhurave”, “pastrimi të produkteve të veprës penale” dhe “refuzimi për deklarim”. Pas regjistrimit në kryesekretarinë e Krimeve, dosja i është nënshtruar shortit elektronik, që ka përzgjedhur gjyqtarin Klodian Kurushi si kryesues të trupit gjykues. Peza u dërgua si i pandehur nga Prokuroria e Përgjithme në Gjykatën e Lartë, por ende pa nisur gjykimi, në tetor 2017 kjo gjykata shpalli moskompetencë dhe e dërgoi ccështjen tek Krimet e Rënda. Në nisje të hetimit Pezës iu sekuestrua një pasuri prej 113 milionë lekë të rinj, vlera e aksioneve të bashkëshortes së tij në një bankë të nivelit të dytë. Pasuria në fjalë u lirua nga sekuestroja me një vendim të Apelit të Krimeve në korrik 2017./abcnews.al