Trajneri i Flamurtarit, Marcello Troisi, foli për emisionin “Gol pas Goli” në Supersport, aty ku analizoi fitoren 0-1 ndaj Luftëtarit. Në fjalën e tij, Troisi u shpreh: “Është një ekip që ndodhet në të njëjtën situatë si e jona. Ekipi im është sjellë mirë, ka luajtur mirë në fushën e lojës. Terreni sot nuk ishte i përshtatshëm për të luajtur futboll. Përfituam nga një pjesë e parë shumë e mirë, ku edhe shënuam gol.
E ardhmja? Është e vërtetë që kam marrë një ofertë nga një ekip grek, por në asnjë moment nuk kam menduar që të largohem nga ekipi i Flamurtarit. Edhe presidenti Idrizi më ka dhënë sigurinë që të punoj i qetë. Edhe pse u eliminuam nga Kupa, kam marrë besim. Tani duhet të punojmë sa më mirë, të marrim rezultate sa më të mira dhe të grumbullojmë sa më shumë pikë.
Katër brazilianët? Për momentin, objektivi është të grumbullojmë sa më shumë pikë. E dimë vështirësinë, por përderisa matematika na mban në lojë, do të besojmë deri në fund”, tha Troisi./abcnews.al
