Katër gola të shënuar, vendi i dytë për momentin dhe një rekord i barazuar. Borussia Dortmund mposht 4-0 Eintracht Frankfurt dhe merr tre pikë me vlera, duke ushtruar presion mbi kryesuesit e Bayern Munchen dhe RB Leipzig që ka mundësinë ta rimarrë vendin e dytë.
NDESHJA – Eintracht rezistoi disi, por jo shumë. Goli i parë i takimit erdhi pas 33 minutash lojë dhe ishte polaku Piszczek ai që me një goditje të fortë në hyrje të zonës mposhti portierin kundërshtar. Pjesa e parë u mbyll me rezultatin minimal 1-0, ndërsa fraksioni i dytë i lojës nisi vrullshëm.
Pas vetëm 5 minutash shënoi Jadon Sancho, makineri golash dhe asistesh (13) këtë sezon. Katër minuta më pas rrugën e rrjetës e gjeti edhe Erling Haland. Norvegjezi, pas një pasimi të Hakim, nuk mund të falte.
Dortmund nuk u ndal me kaq. Raphael Guerriero realizoi edhe golin e katërt për Dortmund, që i bashkohet skuadrave të Bayern Munchen dhe Hamburg për numrin e golave të shënuar në 22 javët e para të kampionatit.
63 gola baverezët i kanë realizuar në sezonin 1973/74, kurse Hamburgu në edicionin 1981/1982.
63 – @BlackYellow's 63 goals after 22 matchdays are a joint #Bundesliga record with Bayern 1973-74 and Hamburg 1981-82. Power. #BVBSGE pic.twitter.com/S8uN9dj5Nc
— OptaFranz (@OptaFranz) February 14, 2020
