Bledi Shkëmbi nuk bie dakord me trajnerin e Vllaznisë, Mirsad Jonuz. Në emisionin “Gol pas Goli” në Supersport, kreu i pankinës kuqeblu u shpreh se ka lojtarë mesatarë në skuadrën e tij. Korçari, i cili është pjesë e panelit të këtij emisioni, ka dhënë opinionin e tij.
LEXO EDHE: Jonuz: Disa lojtarë janë të nivelit mesatar, ja pse nuk e aktivizova Krymin
“Ky trajner para 4-5 ditësh ka thënë se është një Vllazni më e fortë, se do të sulmojë Europën. Edhe pas ndeshjes duhet të flasë njëlloj. Fiton dhe je për Europë dhe kur humb nuk kemi lojtarë. Nuk më pëlqen kjo mënyrë të shprehuri.
Në momente të mira je për Europë dhe lojtarët janë më të mirët. Pas një humbje, befas, direkt thua që unë kam lojtar mesatar. Të humbësh me Tiranën nuk është mëkat”, u shpreh mes të tjerash Shkëmbi, pas ndeshjes që Tirana e fitoi me Vllazninë. /abcnews.al
