Të shtëna me armë janë dëgjuar pak më parë në Elbasan. Burime bëjnë me dije për abcnews.al se kanë mbetur tre të plagosur.
Gazetari Aldo Kozarja bën me dije se nga të dhënat e para dyshohet se një makinë është ndjekur nga Librazhdi dhe gjatë ndjekjes është qëlluar me armë.
Në vendin e ngjarjes momentalisht ndodhen prokurorë dhe oficerë të policisë gjyqësore, të cilët po hetojnë nëse kemi të bëjmë me një atentat të mirë organizuar.
Mësohet se nga përplasja me armë kanë mbetur tre të plagosur. Dy prej të plagosurve janë nisur me urgjencë drejt spitalit të Elbasanit. Njëri prej të plagosurve është punonjës policie.
