Suso, Ricardo Rodriguez dhe Krzysztof Piatek u larguan nga Milani ditën e sotme dhe drejtuesit e klubit janë gati të bëjnë një afrim. Kuqezinjtë kanë nxituar dhe kanë arritur akordin me Anderlecht për shërbimet e Alexis Saelemaekers.
20-vjeçari belg kryen disa role dhe aktivizohet në krahun e djathtë ofensiv e në qendër të mesfushës. Sportmediaset raporton se lojtari i Belgjikës U21 do të vijë në formë huazimi për 3.5 milion euro, teksa Milani ka detyrimin e blerjes së tij në fund të sezonit për një shumë totale prej 8 milion eurosh.
Jo vetëm Saelemaekers, pasi Maldini dhe Boban kanë afruar një tjetër lojtar. Drejtuesit e “Djallit” kanë gjetur zëvendësuesin e Rodriguez, i cili u transferua te PSV. Milan ka arritur marrëveshjen me Wigan për shërbimet e Antonee Robinson.
Amerikani është 22-vjeç, luan në krahun e majtë të mbrojtjes dhe numëron 7 ndeshje të zhvilluara me kombëtaren e SHBA. Robinson do të huazohet deri në fund të sezonit dhe Milani mund ta blejë përfundimisht në verë për vetëm 10 milion euro. /abcnews.al
