Loading ...
Tërmeti shkatërrimtar me magnitudë 6.8 të shkallës rihter, që goditi mbrëmjen e djeshme Turqinë, përveç 21 jetëve të humbura deri më tani, ka lënë pa banesa shumë persona. Mes frikës dhe panikut banorët e pjesës lindore të Turqisë, e kaluan natën jashtë në temperatura nën zero.
Banorët e prekur u strehuan në palestrat e sportit apo salla konferencash si dhe në sheshet dhe parqet e qyteteve. Ndërkohë, qytetarët shprehen se tashmë kanë frikë të kthehen në banesat e tyre, ndërsa ndajnë edhe momentet e tmerrit me rrëfime në mediat turke.
“Kemi frikë që të hyjmë në shtëpi pas asaj që ndodhi. Shteti ynë po kujdeset për ne. Erdhën dhe ministrat tanë. I falënderojmë të gjithë për interesimin”, tha një prej banorëve të prekur nga tërmeti.
