Karakteri i një trajneri si Jose Mourinho njihet nga e gjithë bota e sportit dhe jo vetëm. Trajneri portugez ditën e sotme numëron dy muaj në stolin e londinezëve dhe nuk kishte si të mungonte tensioni i tij i parë me lojtarët.
Një ditë pas ndeshjes me Watford, e cila u mbyll në barazimin 0-0, Mourinho nuk u prit mirë në qendrën stërvitore. Ishte mbrojtësi anësor, Danny Rose, ai që kishte disa fjalë me të. Anglezi i kërkoi llogari se pse ai nuk ishte pjese e ekipit në ndeshjen e fundit.
Sipas raportimit të ‘Daily Mail’, Mourinho ka debatuar me Rose dhe e ka justifikuar gjestin e tij duke e lënë jashtë ekipit se ai nuk ishte në formë për të luajtur dhe kjo gjë e ka nervozuar akoma dhe më shumë 29-vjeçarin. Sërish gjatë stërvitjes të së dielës pati një debati, por Mou vendosi ta ftojë Dannyn në një takim ditën e djeshme për t’ia shpjeguar dhe një herë situatën. /abcnews.al
