Lëvizja Vetëvendosje ka publikuar letrën që sot Albin Kurti i ka nisur Isa Mustafës, kreut të LDK-së.
Mes të tjerash, Kurti i ka thënë Mustafës se është për të ardhur keq se si ai ka vendosur që të ndalë bisedimet për koalicion, duke thënë se e ka detyruar që të shkruaj letra.
Ai i ka bërë thirrje që të kthehen e të diskutojnë për koalicion.
Lideri i LV-së më tej i ka bërë të qartë Mustafës se nuk do të diskutojnë për kryeparlamentarin, pasi që sipas tij kjo do të ishte jodemokratike.
LDK i paraqiti Vetëvendosjes ofertën e saj ku i kërkonte 5 nga 12 ministritë, zv.kryeministrin, një nënkryetar Parlamenti dhe kryeparlamentarin derisa të zgjidhej Presidenti./abcnews.al
