Fitorja kundër Cagliarit ka rikthyer buzëqeshjen në kampin milanist, teksa goli i Zlatan Ibrahimovic i emocionoi tifozët e shumtë të kuqezinjve. Nuk mund të ndodhte ndryshe me Tiziano Crudelin, tifozin e thekur të Milanit.
Komentatori i njohur italian shpërtheu në lot pas humbjes 5-0 ndaj Atalantës dhe nuk i kurseu kritikat për lojtarët e Piolit. Në lot shpërtheu edhe dje, por kësaj radhe ishin lot gëzimi.
Crudeli nuk u përmbajt pas golit të bomberit suedez siç dallohet lehtësisht në videon e mëposhtme. Ai nuk i kursen as thumbimet ndaj tifozit të Interit, skenë që krijoi ilaritet në studio. /abcnews.al
