Ish-kryetari i Kuvendit të Kosovës, Jakup Krasniqi, ndodhet në ditën e tretë të vizitës së tij në Kosovë, pas lejes nga Dhomat e Specializuara për arsye humanitare.
Krasniqi ka qëndruar gjatë 2 ditëve të para pranë familjes së tij në lagjen “Velania” të Prishtinës, nën masa të rrepta sigurie dhe shoqërimin e EULEX-it.
Të enjten, pas disa orësh qëndrimi në shtëpi, ai është larguar me automjetet e EULEX-it dhe është dërguar në objektet e këtij misioni në Prishtinë.
Vizita e Krasniqit në Kosovë pritet të zgjasë gjithsej 4 ditë.
Dhomat e Specializuara kanë konfirmuar se vizita është autorizuar për arsye bindëse humanitare, pa dhënë hollësi për rrethanat konkrete, ndërsa shkaku është zbuluar nga vetë familjarët: gjendja e rënduar shëndetësore e bashkëshortes.
Krasniqi u dënua nga Haga në 16 shtator me 25 vite burg, ndërsa procesi pritet të apelohet.



