Sekretari i përgjithshëm i NATO-s, Mark Rutte, e ka cilësuar të rëndësishëm takimin trepalësh mes presidentit amerikan Donald Trump, presidentit rus Vladimir Putin dhe presidentit kinez Xi Jinping, i zhvilluar në kuadër të samitit të APEC-ut në Shenzhen.
I pyetur nëse ishte i shqetësuar nga fakti që Trump iu drejtua Putinit duke e quajtur “mik”, Rutte u përgjigj negativisht.
Ai theksoi se Shtetet e Bashkuara dhe Rusia janë dy fuqi të mëdha bërthamore, ndërsa Kina po shndërrohet gjithnjë e më shumë në një fuqi të kësaj natyre.
Sipas kreut të NATO-s, është krejtësisht normale që udhëheqësit e këtyre vendeve të takohen dhe të diskutojnë për mënyrat më të mira për të ecur përpara në marrëdhëniet ndërkombëtare.
Rutte vlerësoi gjithashtu përpjekjet e vazhdueshme të Donald Trump për t’i dhënë fund luftës në Ukrainë, duke i cilësuar ato si të jashtëzakonshme.
Ai deklaroi se mund ta përgëzonte presidentin amerikan për angazhimin e tij në kërkimin e një zgjidhjeje paqësore për konfliktin.
Gjatë takimit në Shenzhen, Trump e përshëndeti ngrohtësisht presidentin rus Vladimir Putin, duke iu drejtuar atij me fjalët “miku im”.



