Loading ...Parlamenti u rikthye në seancë plenare pas pezullimit javën e kaluar pas akteve të dhunës ekstreme gjatë protestave që nisën 9 ditë më parë në Tiranë.
Maxhoranca tha se axhenda e ligjeve të integrimit dhe negociatave me Bashkimin Europian nuk mund të humbë kohë dhe të mbetet peng i dhunës së elementëve destabilizues që punojnë kundër Shqipërisë.
ABC News sjell sakaq pamjet me dron nga protesta e njoftuar për t’u mbajtur jashtë ambjenteve të Kuvendit. Siç duket edhe në pamjet e filmuara nga larta situata është e qetë, deri më tani, ndërsa vihet re prani e madhe e policisë dhe e medias.
