Loading ...Shqipëria zgjeron mbrojtjen ndaj human papiloma virusit, shkak për ndryshimet qelizore që mund të kthehen në kancer nëse nuk trajtohen në kohë, kancerit të qafës së mitrës apo të tjera tumore të shkaktuara prej tij.
Nga Instituti i Shëndetit Publik ministrja e Shëndetësisë Klodiana Spahiu tha se nga vaksina HPV 4 valente kalohet në HPV 9 valente duke shtuar mbrojtjen ndaj më shumë tipeve të këtij virusi.
Kjo vaksinë aplikohet tek vajzat nga 13 në 20 vjeç dhe djemtë 13 vjeç në qendrat shëndetësore pa pagesë.
Ministrja Spahiu vlerësoi këtë si një hap të rëndëishëm për të parandaluar sëmundjet e shkaktuara nga HPV dhe iu bëri thirrje prindërve të vaksinojnë fëmijët e tyre.
“Këto vaksina janë të certifikuara dhe përdoren edhe në vendet e Bashkimit Europian. Janë të sigurta, ndaj u bëj thirrje të gjithë prindërve të vaksinojnë fëmijët e tyre 13-vjeçarë, si një nga masat më të sigurta për parandalimin e kancereve të shkaktuara nga HPV” tha Spahiu.
Vaksina që mbron nga kanceri ka filluar të aplikohet tek vajza 13-vjeçare në vitin 2022, ndërsa te djemtë në janar të 2026-ës. Që nga nisja e programit kundër HPV në Shqipëri janë administruar gjithësej 60 180 doza të vaksinë HPV 4 valente. /abcnews.al
