Loading ...
E vështirë, por plotësisht e merituar.
E tillë fitorja e Francës në Bruksel ndaj Belgjikës, duke pasur dy suksese radhazi në këtë edicion të Ligës së Kombeve.
Të mbiquajturit “gjelat” po lënë dalë nga dalë prapa dështimin e madh në Kupën e Botës, kur nga favoritë mezi përfunduan në vendin e katërt, dhe trajneri Zinedin Zidan po e vazhdon pa u ndalur misionin e tij.
Belgjika u dominua, edhe pse nuk u arrit të mposhtej derisa erdhi momenti magjik i yllit të Bajernit, Majkëll Olize, dy minuta para fundit.
Franca, dy herë kampione e botës, pati 65 për qind mbajtje topi, pati 18 gjuajtje gjithsej nga 12 të vendasve, dhe diferenca e goditjeve në portë ishte e madhe, 7-2!
U goditën edhe dy shtylla, por suksesi erdhi vetëm në 88’.
Olise realizoi një gol personal që nga mesi I fushës, ndërsa francezët vuajtën mungesën e kapitenit dhe të yllit kryesor, Kilian Mbape, që është I dëmtuar.
“Goditja e lamtumirës, apo ekzekutimi”, ishte titulli I të përditshmes së shquar, “L’Ekip”, padyshim me foton e heroit Olize, – Franca e rinuar fitoi me meritë! Mandati I Zidanit vazhdon në mënyrë ideale!”
Edhe miqtë, edhe Belgjika patën raste për të shënuar, e sidomos për vendasit u dalluan lojtarët e krahut, Gots dhe Lukebakio.
Franca është në vendin e parë në Grupin 1 të nivelit A të Ligës së Kombeve, ndërsa Belgjika dhe Italia kanë nga tri pikë.
Të premten, Zidan kërkon konfirmimin e radhës në klasiken e madhe ndaj Italisë katër herë kampione e botës në “Sent Denis” të Parisit.
