Loading ...
Në Itali është Komo, por Gjermania ka “hirushen” e saj. Elversberg, ekipi që u ngjit për herë të parë në Bundesligë në historinë e tij, provoi këtë fundjavë ndeshjen më të madhe për të gjitha kohët për tifozët vendas.
Në Stadiumin e Blirit Mbretëror ishin 11 500 spektatorë për të parë Bajernin që të luante në të njëjtin nivel me ekipin e qytezës së tyre, që në Gjermani e quajnë fshat.
Jo më kot ka vetëm 7 500 banorë.
Kampionët e Bundesligës ia dolën të fitonin një ndeshje të fortë, edhe pse dominimi I tyre në terren nuk u vu kurrë në diskutim.
Lenart Karl shënoi për bavarezët kundër rrjedhës së lojës, por Kratenmaher barazoi pas një ore futboll.
Harri Kejn, kapiteni I Anglisë dhe Këpuca e Artë e Europës sezonin e kaluar, zgjidhi ndeshjen me golin e parë për këtë stinor.
Kjo në 72’.
“Spektakli I Bajernit në fshat”, shkruan e përditshmja tabloide “Bild”, që lavdëron sensacionalin Elversberg që kishte qenë I pathyer deri në këtë ndeshje, dhe që ka 7 pikë.
Bajerni pati 21 gjuatje nga të cilët 7 në kuadrat, ndërsa modestët vendas ia dolën vetëm një herë të shënjestronin saktë portën e gjigandëve.
Pas tri javëve të para të Bundesligës, kampionët janë në vend të katërt me 7 pikë, ndërsa kryesimi u takon Frajburgut dhe Dortmundit me nga 9 pikë të plota./abcnews.al
