Loading ...
Teuta mori kreun e Superligës, të paktën në mënyrë të përkohshme pas fitores në javën e katërt ndaj Vorës.
Në stadiumin “Niko Dovana”, vendasit ia dolën me golat e shënuar në fundin e secilës pjesë të lojës. I pari në minutën e dytë shtesë të pjesës së parë, ndërsa i dyti me penallti nga Pedro në minutën e 95-të.
Vora protestoi që iu anulua nga VAR-i një penallti në pjesën e parë, por po ashtu protestoi për 11-metërshin e dhënë në fund për durrsakët.
Pas katër javësh kampionat, Teuta kryeson Superligën me 10 pikë. Dinamo ka 9 pikë, ndërsa Egnatia po 9, por me një ndeshje më pak.
