Plagosja në Laprakë, policia shpall në kërkim autorin e dyshuar, të plagosurit ‘kyçin’ gojën

Policia e Tiranës ka shpallur në kërkim autorin e dyshuar të plagosjes së dyfishtë të ndodhur mbrëmjen e së martës në zonën e Laprakës. ABC News mëson se Policia e Tiranës ka shpallur në kërkim Arbër Krashin.

Si pasojë e të shtënave mbetën të plagosur Bledar Dauti dhe Dashamir Tahiri, të cilët nuk kanë dhënë sqarime mbi motivet apo autorin e ngjarjes.

Hetuesit dyshojnë se origjina e ngjarjes lidhet me një konflikt të hershëm mes palëve, por mbetet ende e paqartë nëse përplasja e së martës mbrëma ishte një takim i rastësishëm apo një përballje e lënë më parë për të “sqaruar” mosmarrëveshjet./abcnews.al