Loading ...
Teuta e tregoi veten si pretendente këtë sezon në Superligën shqiptare të futbollit duke mundur 3-1 Tiranën në fushën e saj, në ndeshjen e javës së dytë.
Edhe pse pësoi gol e para në stadiumin “Niko Dovana”, sërish skuadra durrsake nuk u dorëzua dhe mori fitoren e merituar.
Kish shënoi me penallti për kryeqytetasit që në minutën e 13-të, pasi në stadium ikën dritat. Pas pushimit, Teuta përmbysi gjithçka në vetëm 18 minuta duke realizuar 3 gola radhazi.
Gjithçka erdhi pas një loje mjaft të mirë të ekipit të drejtuar nga trajneri Edlir Tetova, i cili kërkon trofe në Durrës, pasi ia doli më parë në stolin e Egnatias.
Teuta dhe Laçi kryesojnë Superligën me nga 4 pikë pas dy javëve të para, ndërsa Tirana është e fundit me zero pikë.
