Juventus pret Cagliari sot në shtëpi (15:00) dhe objektivi i vetëm është fitorja. Një ndeshje aspak e thjeshtë për ekipin e Sarrit, teksa Cagliari renditet në vend të gjashtë dhe është një nga surprizat e bukura të këtij sezoni në Serie A.
Bardhezinjtë duan të nisin me tre pikë vitin 2020 dhe Cristiano Ronaldo ka një motiv më shumë për të shënuar. Ylli i “Zonjës së Vjetër” ia ka dalë t’i shënojë të gjithë skuadrave të Serie A përveç ekipit sard.
34-vjeçari portugez, i cili numëron 10 gola të shënuar dhe 1 asist në kampionat këtë sezon, dëshiron të vendosë rekordin e tij dhe kërkon me çdo ngulm t’i shënojë Cagliarit në duelin e drekës. /abcnews.al
