“Avullon” liqeni i Fierzës/ Bie niveli i ujit në kaskadë, por mbetet më lart se vitet e tjera

I nxehti  muajit të fundit dhe mungesa e reshjeve kanë ndikuar në uljen e nivelit të ujit në Fierzë. Nëse shohim historikun e nivelit të ujit në Fierzë nga të dhënat e Korporatës Elektroenergjitike Shqiptare  rezulton se janë të rralla nivele të tilla  për gushtin  duke siguruar prodhim të  pandërprerë të energjisë elektrike deri në sezonin e vjeshtës .

Nga të dhënat konstatohet se niveli i ujit është mbi 283 metra  nga rreth 280 që është mesatarja ndër vite për periudhën e verës duke qenë një garanci për  prodhimin e energjisë derii në nisjen e reshjeve të vjeshtës.

Temperatuart e larta në vend kanë nxitur rritjen e konsumit të energjisë elektrike  në vend ndërsa Korporata Elektroenergjitike Shqiptare ka hapur  një procedurë për të siguruar energji elektrike për periudhën korrik shtator.Në total vlera  për blerjen Energjisë elektrike gjatë muajve të verës  rezulton se është 41.5 milione euro.

Për të ulur varësinë e sistemit energjitik nga reshjet Shqipëria po zgjeron burimet alternative të prodhimit të energjisë .

Aktualisht, rreth 10% e energjisë elektrike totale për të cilën ka nevojë vendi po  prodhohet nga parqet fotovoltaike , ndërsa objektivi është që deri në vitin 2030 më shumë se gjysma e prodhimit të energjisë të vijë nga burimet e rinovueshme./abcnews.al