Loading ...
Analisti Frrok Çupi në një intervistë në “News Line”, në ABC News komentoi vendimin e fundit për shpalljen non grata të dy shqiptarëve të Maqedonisë së Veriut.
Bëhet fjalë për Valon Bela dhe Bekir Halimi, për të cilët analisti Çupi tha se përbëjnë një rrezik për vendin tonë. Sipas tij, Lëvizja Vetëvendosje dhe “Vlen” po nxisin përçaje në Shqipëri.
“Shteti shqiptar po mbron shtetasit e vet, rendin e vet dhe po mbrohet në kuadrin e qytetërimit perëndimor. Por mbrohet nga ata që janë kontigjent i terrorizmit i përpjekjeve për ata që duan të kthejnë konfliktin. Seuta e Spanjës u sulmua me të njëjtat instrumente që u sulmua shteti shqiptar në Tiranë. U sulmua me dezinformim dhe se shpejti në Perëndim do të bëjmë ligjin. Por Europa në këtë rast do të thotë qytetarin Perëndimor. Jemi në situata të tilla ku po marrin guximin të mbështetin këtë lëvizje, por për fat të mirë të Shqipërisë ne u ndodhëm në këtë lëvizje…Por fati ishte me ne dhe me siguri në kuadrin e zhvillimeve botërore perëndimore sigurisht që do ja dalim. Në analizën tonë ditët e fundit SHBA kërkuan të vendosin një investim në Shqipëri 300 mln euro dhe padyshim përfaqësuesit e rrezikut mbi Shqipërinë nuk e votuan. VV të mos harrojmë se është një rrezik i madh. Dhe Imami në Tetovë është njësoj si imami në Teheran dhe rreziku i lëvizjes së ekstremit të majtë që po zhvillohet në Kosovë, besoj se në një situatë të caktuar do të ndahet prej asaj që duhet populli i Kosovës. Por pse nuk sulmohet Kosova nga Maqedonia e Veriut? Nuk sulmohet sepse janë në të njëjtën linjë dhe bashkëpunojnë në kuadrin terrorist…”, tha ai.
Një koment e dha edhe për protestën në Tiranë të cilën e quan të pavlerë, ndërsa shton se qytetarët janë të mashtruar.
“Ajo që ndodhi në Bulevard është interesante për ta studiuar. Por njerëzit janë të mashtruar. Shteti shqiptar është i detyruar të respektojë parimet e demokracisë por edhe të mbrojë qytetarët nga kërcënime të tilla. Nga zënia e Bulevardit…Dhe ndaj SHBA dhe Europa ndodhet krah shtetit shqiptar dhe po e thërret të hyjë në BE. Këta kanë ngritur një kështjellë me dezinformimin”, tha ai.
/abcnews.al/
