Një tjetër palmë është rrëzuar këtë të dielë nga era e fortë në qytetin e Durrësit.
Fatmirësisht këtë radhë kalimtarët kanë shpëtuar pa lëndime. Ngjarja ndodhi në sheshin pranë bustit të Azem Hajdarit në të njëjtin vend ku dy javë më parë u rrëzua një tjetër palmë.
“ABC News” ka siguruar pamjet nga kamerat e sigurisë, të cilat kanë kapur momentin kur palma rrëzohet në trotuar.
Menjëherë pas rrëzimit të palmës, ka ndërhyrë bashkia e cili bëri të mundur prerjen dhe largimin e palmës nga trotuari.
Palma e rrëzuar pak javë më parë bëri që dy kalimtarë të plagosen./abcnews.al
