Censi i bujqësisë në Kuvend/ Salla: Siguron informacion për 98% të sipërfaqes së përdorur për qëllime bujqësore

Censi për bujqësinë do të realizohet në vjeshtën e këtij viti dhe parashikohet të kushtojë rreth 11 milionë euro. Ministri  i Bujqësisë Andis Salla  tha në parlament  se censi do të jetë një fotografim  i detajuar  i sektorit për të adresuar të gjitha  problematikat.

Sipas Sallës censi i bujqësisë do të ofrojë të dhëna reale për numrin dhe madhësinë e njësive ekonomike bujqësore, përdorimin e tokës, kulturat bujqësore, blegtorinë, mekanizimin, fuqinë punëtore.

INSTAT synon të regjistrojë tokën bujqësore që mbillet, fermat bujqësore e deri tek tufat e bagëtive, 15 vite pas CENSIT të fundit në bujqësi, të zhvilluar në 2012-n.