Loading ...
Në vendin e tyre i quajnë “zmajevi”, pra “dragonjtë”.
Deri tani, futbollistët e Bosnjë-Hercegovinës nuk e kishin treguar aspak veten si të tillë, por më në fund e bënë kthesën.
Detyrat e shtëpisë i bënë siç duhet me fitoren 3-1 ndaj Katarit që i dha edhe kualifikimin si një nga 8 skuadrat e treta më të mira të Kupës së Botës.
Kjo, për herë të parë në pjesëmarrjen e dytë.
Një lehtësim për tifozët e zjarrtë, për kapitenin veteran Edin Xheko, dhe për trajnerin Sergej Barbarez, sidomos pas barazimit zhgënjyes 1-1 me Kanadanë dhe humbjes edhe më shumë dëshpëruese, 1-4 ndaj Zvicrës.
Talenti i ri, Alajbegovic e justifikoi shpresën e kombit tek ai, duke shënuar golin e parë në 29’.
Më pas një autogol i ekipit të vogël nga Gjiri Persik dyfishoi shifrat për ballkanasit, që e mbyllën pjesën e parë në avantazh, veçse jo 2-0.
Tre minuta para pushimit, Katari ngushtoi shifrat me golin nga Hasan Al Hajdos.
Gjithsesi, ekipi përfaqësues I federatës pati autoritetin dhe forcën për t’ia dalë në këtë ndeshje.
Mbajti më shumë topin dhe bëri më shumë gjuajtje, e logjikshëm erdhi goli i tretë nga Mahmic.
Tashmë, të gjithë mund të rikujtojnë se ishte pikërisht Bosnjë-Hercegovina që eliminoi Italinë nga Kupa e Botës pasi e mundi në finalen e plej ofit.
Krenari tjetër e këtij vendi është që mund të ketë tre trajnerë në raundin e dytë, pasi në vendin e dragonjve kanë lindur edhe Zlatko Daliç I Kroacisë dhe Vladimir Petkoviç i Algjerisë.
